Quyosh batareyasi - sovg'a

O‘zbekiston "Adolat” SDP Samarqand viloyat Kengashi tomonidan ko‘rsatilayotgan moliyaviy ko‘maklar viloyatimizning chekka va tog‘ qishloqlarida yashovchi aholining ijtimoiy ahvolini yaxshilashga xizmat qilmoqda.

– Yurtimizda energiya tejamkorligini amalga oshirish, ekologik toza, qayta tiklanuvchan energiya manbalaridan foydalanishga alohida e’tibor qaratilayapti, – deydi Urgut tumani Qoratepa qishloq fuqarolar yig‘ini raisi Murod Rahmonov. – Ayniqsa, jamiyatimizning asosiy kuchi bo‘lgan siyosiy partiyalarning bu kabi ishlarga bosh qo‘shayotgani samarali bo‘lmoqda. Jumladan, «Adolat» sotsial-demokratik partiyasi ko‘magi bilan Qoratepa qishlog‘ida istiqomat qiluvchi Zohida Elmurodova xonadoniga 1500 Vt kuchga ega bo‘lgan quyosh batareyasi o‘rnatib berildi. Bu arzon va qulay elektr manbai . Elmurodovaning to‘kis ro‘zg‘or tebratishi uchun qator qulayliklar yaratdi. Natijada hamqishloqlarimiz orasida ko‘pchilik ushbu partiya vakillari bilan o‘zaro hamkorlik qilishga qaror qilishdi.